Stil draal ek langsaam…
in die swaar avondlug
die cosy reuk van port en wyn
saamgerol in my Kubaanse sigaar

bekende vreemdelinge
lyk vernaam-en-belangrik
lag-en-gesels gedemp oor
net mooi niks

ons vertrap mekaar voor die engte van
Bareuther se Periods of Pause
meng gesellig, soos die dowwe verf
op wit-en-rooi bevlekte kantdoeke

stilte kom lê in my:
elkeen
word hiér geteken
soos hy regtig is.